Janig Bodiou-Stephens, an avanturourez trankil
Résumé
Er bloaz 2003 mboa klasket lenn an desenn gentañ diwar-benn yezhadur ar brezhoneg a rae gant binvioù ar yezhadur jenerativel (mod Chomsky). Skrivet oa bet e saozneg e 1982 gant ur yezhourez a Londrez, hag hi a-vihanig deus brezhoneg Bro Dreger, Janig Stephens. An desenn-se n’em boa ket kavet e Breizh, met ur mignon alaman din, Dirk Bury, a rae e studioù e University College of London (UCL) d’ar mare-se hag en doa luc’hskeudennet al levr din. War baper e veze graet, anat deoc’h, evit un nebeut Pounds ha kalzig amzer. Joa! Div sizhunvezh war-lerc’h em boa resivet dre an ti post 274 bajenn, bep eil bajenn moulet er penn a-dreñv ! Lakaet em boa an toullad paperioù prizius-se war un daolig espress-kaer, ha me d’ober tro an daol bep div bajenn e-pad mizioù... Dizoloet em boa labour don ur skiantourez a ouie ober al liamm etre fedoù he yezh ha teoriennoù nevezañ skiantoù a lavar, gouest d’ober un dielfennañ soutil deus he yezh c’henidik. Ur vaouez a Vreizh, ivez,
teiryezheg anezhi, he doa graet he micher er skiantoù e fin an ugentved kantved. Bremañ ‘zo pdf he zesenn ganin (ra vo meulet al levraouegoù niverel!), ha alies en em gavan o tistreiñ eno, ha da bennadoù skiantel liesseurt skrivet gant Janig Stephens abaoe (he fennad war ar frasennoù dizispleg ‘zo un teuzar!i).
Domaines
Sciences de l'Homme et Société
Fichier principal
Jouitteau. 2020. Janig Bodiou-Stephens, an avanturourez trankil.pdf (689 Ko)
Télécharger le fichier
Origine : Fichiers produits par l'(les) auteur(s)